Dünyada koronavirusa yoluxanların sayı son sutka ərzində 657 mindən çox artıb.

Unikal.org xarici KİV-ə istinadən  xəbər verir ki, bu barədə Ümumdünya Səhiyyə Təşkilatının gündəlik hesabatında bildirilib.

Məlumata əsasən, ötən sutkada 657 510 nəfər koronavirusa yoluxub, 11 152 nəfər dünyasını dəyişib. İnfeksiyaya yoluxanların ümumi sayı 147 539 302, ölənlərin isə 3 116 444 nəfərə çatıb.

Qeyd edək ki, Ümumdünya Səhiyyə Təşkilatının hesabatı yalnız rəsmi göstəricilər əsasında hazırlanır.