Belarusun Qomel vilayətində yağan leysan yağışları bölgə paytaxtının bir çox mərkəzi küçələrini suyun altında qoyub. Şəhərdə bütün günü yağan yağış bir sıra rayonlarda dolu ilə müşayiət olunub.

"Unikal" xəbər verir ki, hava şəraiti şəhər nəqliyyatında çətinliklər yaradıb.

Belə ki, bəzi avtobusların salolarına su dolub, bəziləri isə su gölməçələrində ilişib qalıb.

Sinoptiklərin məlumatına görə, yaxın günlərdə bölgədə yağıntılı hava şəraiti davam edəcək.