Azərbaycanın və “Qəbələ” idman klubunun kikboksçusu Pərviz Abdullayev növbəti qələbəsini qazanıb.

Unikal.org-un məlumatına görə, o, İstanbulda təşkil olunan “Akın döyüş arenası” çərçivəsində döyüşdə braziliyalı Gilyerme Rodriqo Ferreyra ilə üz-üzə gəlib.

“Yahya Kemal Beyatlı Göstəri Mərkəzi”ndə baş tutan qarşılaşma kikboksçumuzun qələbəsi ilə başa çatıb. Bu, peşəkar səviyyədə 56-cı döyüşünü keçirən P.Abdullayevin 50-ci qələbəsi olub.