Rusiyanın Həştərxan şəhərində Heydər Əliyev Fondunun təşəbbüsü ilə tikilən "Azərbaycan İş Mərkəzi"nin açılışı olub.

Unikal.org apa-ya istinadən xəbər verir ki, açılış mərasimində Heydər Əliyev Fondunun vitse-prezidenti Leyla Əliyeva, Həştərxan vilayətinin qubernatoru Aleksandr Jilkin, Azərbaycan prezidentinin köməkçisi Əli Həsənov, iqtisadiyyat naziri Şahin Mustafayev, Heydər Əliyev Mərkəzinin icraçı direktoru Anar Ələkbərov, Azərbaycanın Rusiyadakı səfiri Polad Bülbüloğlu, Diasporla İş üzrə Dövlət Komitəsinin sədri Fuad Muradov, I vitse-prezidentin köməkçisi Yusif Məmmədəliyev, Bakının Nərimanov rayonun icra hakimiyyətinin başçısı Abidin Fərzəliyev və hər iki ölkədən olan iş adamları iştirak ediblər.

Mərasimdə Həştərxan qubernatoru Aleksandr Jilkin və Azərbaycan iqtisadiyyat naziri Şahin Mustafayev çıxış ediblər.

Daha sonra "Made in Azerbaijan" brendi adı altında Azərbaycan istehsalçılarının mal və xidmətlərinin sərgisinə baxış keçirilib.

Qeyd edək ki, bu gün fəaliyyətə başlayan "Azərbaycan İş Mərkəzi" Həştərxan şəhərinin Bakinskaya küçəsi, 100 ünvanında yerləşir.

13:01

Heydər Əliyev Fondunun vitse-prezidenti Leyla Əliyeva Rusiyanın Həştərxan vilayətinin qubernatoru Aleksandr Jilkinlə görüşüb.

Unikal.org  apa-ya istinadən xəbər verir ki, Həştərxan vilayət administrasiyasında keçirilən görüşdə Azərbaycan və RF-nin Həştərxan vilayəti arasında əməkdaşlıq müzakirə olunub.

Görüşdə Azərbaycan prezidentinin köməkçisi Əli Həsənov, iqtisadiyyat naziri Şahin Mustafayev, Heydər Əliyev Fondunun direktoru Anar Ələkbərov, Azərbaycanın Rusiyadakı səfiri Polad Bülbüloğlu, I vitse-prezidentin köməkçisi Yusif Məmmədəliyev, Diasporla İş üzrə Dövlət Komitəsinin sədri Fuad Muradov, Bakı şəhərinin Nərimanov rayon İcra Hakimiyyətinin başçısı Abidin Fərzəliyev və digər rəsmi şəxslər iştirak ediblər.

Qeyd edək ki, bu gün Həştərxan şəhərində Heydər Əliyev Fondunun təşəbbüsü ilə tikilən "Azərbaycan İş Mərkəzi"nin açılışı olacaq.