25 Avqust 2019
24 Avqust 2019
Xərçəngə qarşı yeni müalicə üsulu - Alimlərin kəşfi
Xərçəngə qarşı yeni müalicə üsulu -Alimlərin kəşfi ARAŞDIRMA 19:33 2019-07-05

ABŞ-ın Oreqon ştatındakı universitetin alimləri xərçəngə qarşı yeni mübarizə üsulunu kəşf ediblər.

Unikal.org xəbər verir ki, alimlər xərçəng hüceyrələrini məhv etmək üçün maqnit nano hissəciklərdən istifadə etmək qərarına gəliblər. Nano hissəciklər xərçəng şişinə yeridilir sonra isə dəyişən maqnit sahəsinin təsirinə məruz qalır. Nəticədə hissəciklər 38 dərəcəyə qədər isinir və xərçəng hüceyrələri məhv olur.

Qeyd edilir ki, bəzi xərçəng növlərinə birbaşa inyeksiya mümkün deyil. Buna görə də yumurtalıq və prostat xərçəngini müalicə etmək üçün damar vasitəsilə yeridilmə nəzərdə tutulub.

Alimlər üçün ən çətin olan iş isə uyğun gələn nano hissəcik müəyyən etmək olub. Seçiləcək nano hissəcikləri müntəzəm olaraq insan orqanizminə yeritməyin mümkün olması çox vacibdir. Bu zaman nano hissəciklər lazım olan tempratura qədər isinməlidirlər.