İranda güclü leysan yağışlarının yaratdığı daşqınlar nəticəsində azı 10 nəfər həlak olub.

Unikal.org xəbər verir ki, bu barədə ILNA agentliyi məlumat yayıb. Məlumata görə, təbii fəlakət İranın İsfahan, Yəzd, Cənubi Xorasan, Xorasan Rezavi, Kirman, Semnan, Tehran, Sistan və Bəlucistan vilayətlərində qeydə alınıb.

Ümumilikdə 6 şəhərə və 47 kəndə zərər dəyib. Yardım üçün 78 xilasetmə qrupu, xüsusi avtonəqliyyat və helikopterlər cəlb olunub. İran hökuməti zərərçəkmiş rayonlara humanitar yardım yollayıb.