“İşğaldan əvvəl Ağdama tez-tez gələrdim. Ağdamın özü ilə tanışlığım, dostlarım var idi. Buraya axund da təyin etmişdim. Bugünkü namaz qıldığım məscid mənim üçün əziz olub”.

Unikal.org xəbər verir ki, bunu Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Ağdama səfəri zamanı jurnalistlərə açıqlamasında deyib.

QMİ sədri qeyd edib ki, Azərbaycan Prezidenti, Ali Baş Komandan İlham Əliyevin rəhbərliyi ilə torpaqlarımız azad olundu:

“Elə o vaxtdan Ağdam binaları və insanlarının gözəlliyi ilə seçilirdi. Bu səfərə gələndə ürəyim ağrıdı. Həmin Ağdam yoxdur. Yol boyu insanların xüsusi geyimdə minalardan təmizləmək üçün işlər gördüyünü müşahidə etdim”.