İbrahimbəyovun seçki sənədlərinin MSK-ya verilməsi təxirə salındı
İbrahimbəyovun seçki sənədlərinin MSK-ya verilməsi təxirə salındı

Milli Şuranın prezidentliyə vahid namizədi Rüstəm İbrahimbəyovun seçki sənədlərinin Mərkəzi Seçki Komissiyasına (MSK) verilməsini təxirə salınıb. Milli Şura üzvü Eldəniz Quliyev mətbuata verdiyi açıqlamada R.İbrahimbəyovun sənədlərinin MSK-ya bu gün ərzində veriləcəyini bildirsə də təşəbbüs qrupunun sədri Elman Məmmədzadə bu xəbəri təkzib edib.
E.Məmmədzadə Modern.az saytına açıqlamasında sənədlərdə bəzi çatışmamazlıqların olduğunu deyib:
"Sənədlərdə müəyyən çatışmamazlıqlar var. Bu məsələ üzərində iş aparırıq. Konkret deyə bilmərəm sənədlər MSK-ya nə zaman veriləcək. Bizdən aslı olmayan səbəblərdən bu lənginə baş verir. Hələ vaxtımız var"-deyə M.Şura üzvü qeyd edib.
Qeyd edək ki, E.Quliyev isə bir neçə saat əvvəl açıqlamasında R.İbrahimbəyovun seçki sənədlərinin gün ərzində MSK-ya veriləcəyini bildirmişdi.