Belarus prezidenti Aleksandr Lukaşenko ölkənin yeni təyin olunmuş təbii sərvətlər və ətraf mühitin mühafizəsi naziri Sergey Maslyaka ölkədə neft axtarmağı tapşırıb.

"Unikal" xəbər verir ki, bu barədə Belarusun dövlət xəbər agentliyi BelTA yazır.

“Təbii Sərvətlər və Ətraf Mühitin Mühafizəsi Nazirliyinə gəlincə, bu yaxınlarda bununla bağlı ciddi iclas keçirdik. Mən sizə birbaşa deyirəm: qazıb baxmaq lazımdır. Bundan əlavə, hamını bu istiqamətdə işləməyə məcbur etmək lazımdır. İnanmıram ki, bizim torpaqlarda ehtiyacımız olan şey yoxdur”, - deyə Lukaşenko Maslyaka bildirib.

O əlavə edib ki, hazırda Belarusda neftin kəşfiyyatı və hasilatı sahəsində yalnız bir şirkət işləyir və “bu yaxşı hal deyil”.

"Biz bu ideya ilə çıxış etməmişik - rəqabət olmalıdır", - deyə Belarus lideri bildirib. 

Nuranə Abbasova