İlaxır çərşənbə günü hava necə olacaq?

Ekologiya və Təbii Sərvətlər Nazirliyinin Milli Hidrometeorologiya Departamenti martın 19-a gözlənilən hava durumu barədə məlumat yayıb. Qurumdan Lent.az-a verilən məlumata görə, sabah Bakıda və Abşeron yarımadasında hava şəraitinin buludlu, arabir yağıntılı keçəcəyi, günün ikinci yarısında dəyişkən buludlu olacağı gözlənilir. Şimal küləyinin sürəti 10-15 m/s, gecə və səhər arabir 18-20 m/s, gündüz isə cənub küləyinin sürəti 8-13 m/s olacaq.

Havanın temperaturunun gecə 4-7, gündüz 9-14, bəzi yerlərdə 16 dərəcəyədək isti olacağı gözlənilir.

Azərbaycanın rayonlarında gəldikdə isə martın 19-da hava şəraitinin arabir yağıntılı olacağı, səhər qərb rayonlarından başlayaraq tədricən kəsiləcəyi proqnozlaşdırlır. Mülayim qərb küləyi əsəcək. Havanın temperaturunun gecə 4-8, gündüz 14-19 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 9-14 dərəcə isti olacağı gözlənilir.