Londonda kommunal xidmətlər göstərən “Thames Water” şirkəti paytaxt və ətraf rayonların sakinlərinə tezliklə suyun istifadəsini məhdudlaşdıracağını açıqlayıb.

"Unikal" xəbər verir ki, ölkədə həddindən artıq istilər davam etdiyindən paytaxt London da daxil olmaqla, ölkənin bir çox bölgəsinə xidmət göstərən su və çirkab su xidmətləri şirkəti Thames Water, şlanq qadağası tətbiq edəcəklərini açıqlayıb.

Qadağa 15 milyon insanı əhatə edəcək. Onlara bağlarını sulamaq, hovuzları doldurmaq və maşın yumaq qadağan ediləcək.

Sudan istifadə ilə bağlı məhdudiyyətlər oktyabr ayına qədər davam edə bilər. Belə ki, ölkədə quru havanın payıza qədər davam edəcəyi proqnozlaşdırılır.