Almaniyada yaşlı ər-arvad səhər saat 08:00-dan etibarən gündə 200 dəfə banladığı iddia edilən xoruza görə qonşularını məhkəməyə verib. Cütlük vəziyyətin işgəncəyə çevrilməsindən şikayətlənib. 

"Unikal" xəbər verir ki, Şimali Reyn-Vestfaliya əyalətinin Bad Salzuflen şəhərində yaşayan Friedrich-Wilhelm K. və həyat yoldaşı Jutta, qonşuları Mayklın xoruzunun səhər saat 08:00-dan başlayaraq gündə 200 dəfə banladığını bildirib.

76 yaşlı cütlük Maqda adlı xoruzun saat 08:00-da banlamağa başladığını və günün qalan hissəsində susmadığını bildirərək, xoruzun evdən çıxarılmasını istədiklərini bildiriblər. Yaşlı cütlük məhkəməyə dəlil təqdim etmək üçün hər xoruz banladığını da onun səsini qeyd ediblər.

"Biz bağçadan istifadə edə bilmirik və heç bir pəncərəni aça bilmirik. Gecələr bağlı olduğu üçün səhər saat 8:00-a qədər eşidilmir, lakin sonra gün ərzində 100-200 dəfə xırıltı səsləri eşidilir. Dözülməzdir. Qonşumuz öz xoruzundan əl çəkmir. Biz bununla yaşamalıyıq, yoxsa məhkəmədə qalib gəlməliyik”, - Fridrix Vilhelm alman mətbuatına bildirib.
Lakin Maqdanın sahibi 50 yaşlı Maykl toyuq bəslədiyini əsas gətirərək xoruza ehtiyacı olduğunu iddia edib.

 "Cücələrə xoruz lazımdır, əks halda bir-birini qoparardılar" deyib.
Maykl 2018-ci ildə öz yumurtalarını toplamaq üçün bağçasında 5 cücə aldığını, lakin cücələrdən birinin xoruz olduğu üzə çıxdığını bildirib.