Xəbər verdiyimiz kimi, Milli Məclisin mayın 31-də keçiriləcək iclasında Azərbaycan Mərkəzi Bankın İdarə Heyətinə üzvlər təyin ediləcək.

"Unikal"ın məlumatına görə, Rəşad Təmraz oğlu Orucov və Əliyar Qəhrəman oğlu Məmmədyarovun AMB-nin İdarə Heyətinin üzvü vəzifəsinə təyin edilməsi təklif olunur.

Qeyd edək ki, Rəşad Orucov Mərkəzi Bankın Baş direktoru, Əliyar Məmmədyarov isə Mərkəzi Bankın sədrinin müşaviridir.

*** 11:54

Mərkəzi Bankın İdarə Heyətinə üzvlər təyin ediləcək.

"Unikal"ın xəbərinə görə, bununla bağlı məsələ parlamentin mayın 31-də keçiriləcək iclasında müzakirəyə çıxarılacaq.

Belə ki, Mərkəzi Banka yeni sədrin təyin edilməsinin ardınca qurumun İdarə Heyətinin yenidən formalaşdırılacağı gözlənilir.

İdarə Heyətinin 3 üzvünün səlahiyyət müddəti ötən ay başa çatıb.

Belə ki, Alim Quliyev, Vadim Xubanov və Aftandil Babayev sonuncu dəfə 2017-ci ilin mart ayında Milli Məclisin qərarı ilə 5 il müddətinə İH-nin üzvü seçiliblər.

Anar Kəlbiyev