Ümumdünya Taekvondo Federasiyasının (WTF) prezidenti Çou Çunq-von Azərbaycanı 2023-cü il dünya çempionatının ev sahibliyinə layiq görülməsi münasibətilə təbrik edib.

"Unikal" xəbər verir ki, cənubi koreyalı funksioner WTF-in İcraiyyə Komitəsinin iclasında çıxışı zamanı Bakının öz təcrübəsi ilə qurumun 50 illik yubilyeini qeyd etmək üçün möhtəşəm yarış keçirəcəyinə şübhə etmədiyini bildirib.

O, taekvondonun yenidən tam sürətlə irəliyə doğru getdiyini söyləyib: "COVID-19-a görə uzunmüddətli fasilədən sonra idmançılarımızın və azarkeşlərimizin bir daha dünya səviyyəli yarışlardan həzz almaq fürsəti əldə etməsindən şadıq".