Fransanın hüquq mühafizə orqanları naməlum şəxslər tərəfindən paytaxt Parisdəki Kuba səfirliyinə hücumu araşdırmağa başlayıb.

Unikal.org  xəbər verir ki, bu barədə Fransa Xarici İşlər Nazirliyinin rəsmi nümayəndəsi məlumat verib.

Belə ki, Kubanın Fransadakı səfirliyinə üç şüşə yandırıcı maye atılıb, bu da binanın fasadında və girişində yanğına səbəb olub. Kuba diplomatik nümayəndəliyinin açıqlamasında hadisə terror hücumu kimi qiymətləndirilib və bu cür hərəkətlərin ABŞ hökumətinin təbliğat kampaniyalarına xidmət etdiyi vurğulanıb.