Dünyada koronavirusa yoluxanların sayı 190 milyonu ötüb.

Unikal.org xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.

İyulun 19-u, Bakı vaxtı ilə saat 19:42-dək olan rəsmi statistikaya görə, 190 597 409 yoluxma hadisəsi, 4 093 145 ölüm hadisəsi qeydə alınıb.

Son sutka ərzində koronavirusa yoluxanların sayı 427 576, ölənlərin sayı isə 7145 nəfər olub.

Sutkalıq yoluxmaların 28 faizdən çoxu Avropada (120 291) qeydə alınıb. Sonrakı yerləri Cənub-Şərqi Asiya (104 377), habelə Şimali və Cənubi Amerika (97 876) bölüşüb.