Təlim-məşq toplanışını Sloveniyada davam etdirən “Neftçi” bu gün növbəti yoxlama oyununa çıxıb.

Unikal.org xəbər verir ki, paytaxt təmsilçisi bu dəfə “Domjale” (Sloveniya) ilə qarşılaşıb. Matç Sloveniya klubunun qələbəsi ilə başa çatıb - 2:1. 

Qolları "Neftçi"nin heyətində Namiq Ələsgərov (24 dəq.), “Domjale”nin heyətində isə Markus (33) və Repas (39) vurub.  

Qeyd edək ki, “Neftçi” bundan əvvəl “Olimpiya” (Lyublyana) ilə yoxlama görüşündə 1:1 hesablı heç-heçə edib.