Müğənni Əli Mirəliyev "Onun sirri"  verilişinə qonaq olub.

Unikal.org xəbər verir ki, müğənni şəxsi həyatı ilə bağlı bir sıra etiraf edib. Belə ki, o, İsraildə yaşayan evli qadından oğlu olduğunu söyləyib. 

"Bakıda idilər, hava limanında uşaqla anasını İsrailə yola salırdım. 1992-ci il idi, ailəliydim. Oturub qəhvə içirik, uşaq oynayırdı. Baxdı, dedi ki, sənin oğlundur. Uşaq bir dəqiqə dayanmır, qaynıyırdı. Elə bil mənim uşaqlığım idi. Dedi ki, qorxma, dedim bil ki, yadigarın məndədir. Evli idi, iki oğlu, bir qızı var idi.

Yalandan deməyim, oğlumu görmək istəyirəm. Adam əziyyət çəkəndə istəyər. Ona həyat vermişəm, əziyyətini anası çəkib. Qadın mənim fanatım idi, çox şirin qadın idi. Əri ilə Bakıda işləyirdilər. Sonra ərini öldürmüşdülər".