Məlumat verdiyimiz kimi, deputat Novruz Aslanov seçiciləri ilə onlayn və ya telefon vasitəsilə əlaqə saxlayır. Yanvar ayının 21-də İsmayıllı rayon sakinləri ilə növbəti belə qəbul keçirilib.

Unikal.org xəbər verir ki, millət vəkili ilə telefon vasitəsilə fərdi qaydada İsmayıllı rayon sakinləri əlaqə saxlayıb və ona mövcud problemləri barədə  məlumat veriblər. Müraciət edənlər qeydiyyata alınıb, bir neçə məsələ yerindəcə həllini tapıb, həlli zaman tələb edən məsələlərlə bağlı əlaqədar strukturlara müraciətin ediləcəyi bildirilib. Əhaliyə dəstək layihəsi çərçivəsində yerli sakinlərə ərzaq və qeyri-ərzaq məhsulları ilə yardımlar edilib.  

Məlumat üçün bildirək ki, hər həftənini IV günü millət vəkili İsmayıllı rayon seçiciləri ilə görüşmək məqsədilə münasib vaxtlarda rayona səfərlər edir və ya onlayn qəbullar keçirir.