Beynəlxalq alimlər qrupu 2000-2016-cı illərdə təkcə Çində havanın çirklənməsi səbəbindən 30,8 milyon insanın öldüyünü müəyyənləşdirib.

Unikal.org xəbər verir ki, tədqiqatçılar Çinin müxtəlif bölgələrində atmosferdəki çirklənmə səviyyəsini təyin etmək üçün NASA-nın peyk şəkillərini araşdırıblar. Mütəxəssislər yerüstü stansiya tullantılarını, fabriklərin və magistral yolların yerləşmə xəritələrinin məlumatlarını da təhlil ediblər.

Hesablamalar göstərib ki, 2000-2016-cı illərdə hava çirklənməsi səbəbindən Çində hər il 1,5-dən 2,2 milyona qədər insan ölüb.

Qeyd olunur ki, hava çirkliliyi dünyada hər il 8,8 milyon insanın erkən ölümünə səbəb olur.