Xəbər verdiyimiz kimi, İran hökuməti Tehranda qəzaya uğrayan Ukraynanın “Boeing 737-800” təyyarəsinin səhvən vurulduğunu açıqlayıb. İran Silahlı Qüvvələrinin Baş Qərərgahının yaydığı məlumata görə, hadisə insan səhvi ucbatından baş verib.

Unikal.org xəbər verir ki, bu məqamda “The New York Times”, “The Guardian” kimi nəşrlər və nüfuzlu telekanallar iranlı fəal Nəriman Qəribə istinadən İran raketinin Ukrayna Hava Yollarına məxsus təyyarəni vurduğu iddia edilən görüntüləri yayıb.

Qeyd edək ki, yanvarın 8-də Ukraynanın “Boeing 737” təyyarəsinin Tehranın hava limanının yaxınlığında qəzaya düşməsi nəticəsində 167 sərnişin, 9 ekipaj üzvü həlak olub. Onlardan 82-si İran, 63-ü Kanada, 11-I Ukrayna, digərləri isə İsveç, Əfqanıstan, Almaniya və İngiltərə vətəndaşları olub.