Avropa məhkəməsi qərara alıb ki, işə gedərkən işçinin sərf etdiyi zaman məsafəsi də iş gününün bir hissəsi sayılır.

Unikal.org BBC-yə istinadən xəbər verir ki, bu qərar yalnız ayrıca ofisi olmayan və daha çox ezamiyyətdəki əməkdaşlara şamil olunub.

Bundan sonra şirkət rəhbərləri iş qrafikini tərtib edərkən əməkdaşların işə gəlməsi və işdən qayıtmasının minimal vaxt almasını və evlərinin iş yerinə yaxın olmasını nəzərə almalıdırlar.

Məhkəmə bu qərarı Avropa İttifaqının işçilərin sağlamlıq və təhlükəsizliyinin qorunması normativləri ilə əsaslandırıb. Əsas məqsəd Avropa İttifaqı vətəndaşlarının həftədə 48 saatdan artıq işləməməsinə əmin olmaqdır.