“Bizə oxunan moizələrlə bağlı məscidlərdən çoxlu şikayət gəlir”.
APA-nın məlumatına görə, bu barədə Qafqaz Müsəlmanları İdarəsinin sədri, Şeyxülislam Allahşükür Paşazadə deyib.
Şeyxin sözlərinə görə, şikayətlərdə əsasən məscidlərdə oxunan moizələrdə təkrarçılığa, qəm-qüssəyə, ağlaşmaya daha çox yol verildiyi bildirilir: “Mən bu şikayətləri, oxunan həmin moizələri yığıb baxıram. Həqiqətən də qeyd olunan xarakterli moizələr çoxluq təşkil edir, bu isə bizim dinimizi zəif formada göstərir”.
Şeyx bununla əlaqədar onu da bildirib ki, son vaxtlar məscidlərdə savadlı axund və mollaların təyinatına daha çox diqqət ayrılmasına başlanıb: “Onlar əsasən Bakı İslam Universitetinin məzunlarıdır”.
.jpg){kind=tracking}
