Azərbaycanda magistral qaz xətti partladı
Xaçmaz rayonunun Ləcət kəndi ərazisində magistral qaz xəttində partlayış olub.

Hadisə fevralın 24-də axşam saatlarında kəndin yaxınlığından keçən, Xudat şəhərini, Yalama və ətraf kəndləri mavi yanacaqla təmin edən yüksəktəzyiqli magistral xətdə baş verib.

Dərhal hadisə yerinə Fövqəladə Hallar Nazirliyinin Xaçmaz Dövlət Yanğından Mühafizə Hissəsinin yanğınsöndürən maşını və canlı qüvvəsi cəlb olunub. Yanğın məhdudlaşdırılıb, alovun digər ərazilərə keçməsinin qarşısı alınıb. Hadisə zamanı xəsarət alan olmayıb.
Hazırda ərazidə təmir işləri aparılır.

Faktla bağlı araşdırma aparılır.