Gəncə şəhərində 2 gənc arasında borc üstdə yaranan mübahisə dava ilə nəticələnib.

Unikal.org  report-a istinadən xəbər verir ki, hadisə şəhərin Məhsəti qəsəbəsində, 27-ci küçədə, marketlərin birinin qarşısında qeydə alınıb. Sərxoş vəziyyətdə olan 2 gənc arasında pul üstündə yaranan mübahisə əlbəyaxa dava nəticələnib. Dava zamanı tərəflərdən biri 25 yaşlı E.Hüseynov mübahisə etdiyi şəxs tərəfindən başından və üzündən daşla, sol döş nahiyəsindən kəsici ailətlə xəsarət alıb.

Yaralı Gəncə Şəhər Təcili Tibbi Yardım Xəstəxanasına aparılıb.

Məlumata görə, ona xəsarət yetirməkdə şübhəli bilinən şəxs isə əlbəyaxa dava zamanı xəsarət alsa da, xəstəxanaya getməkdən imtina edib.

Faktla bağlı araşdırmalara başlanılıb.