Rusiyanın Adler rayonunda iki icra məmuru güllələnib.

Unikal.org xəbər verir ki, bu barədə Rusiya mətbuatı və Telegram kanalları məlumat yayıb.

Qeyd edilib ki, öldürülən icra məmurları etnik ermənilər olan 35 yaşlı Andronik Makivasyan və 36 yaşlı Albert Azyazyandır. Onlar evdən çıxarılması barədə məhkəmə qərarı ilə bir şəxsin yanına gediblər. Məhkəmə qərarına əsasən, evin sökülməsi nəzərdə tutulub. Lakin adı açıqlanmayan şəxs bundan qəzəblənərək icra məmurlarını odlu silahla qətlə yetirib.

Məlumata görə, qətli törədən şəxs erməni əsilli 61 yaşlı Vardan Koçiyandır. 

Faktla bağlı araşdırma gedir.