İyunun 1-dən etibarən Türkiyədə koronavirus infeksiyası ilə mübarizə tədbirləri çərçivəsində tətbiq olunmuş məhdudiyyətlərin mərhələli şəkildə yumşaldılmasına başlanılacaq.

Unikal.org xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

Onun sözlərinə görə, Türkiyə COVID-19-a qarşı bütün formalarda mübarizə aparıb. Peyvəndləmə prosesində dünyada ilk on ölkə sırasına daxil olub. Bundan əlavə, Ərdoğan qeyd edib ki, iyun ayında peyvəndləmə prosesi daha da genişləndiriləcək.

Türkiyə lideri, həmçinin qeyd edib ki, iyun ayında “Evdə qal!” rejimi həftənin ilk beş günü saat 22:00-dan ertəsi gün saat 05.00-dək, həftənin şənbə günləri tətbiq olunan eyni qayda həmin saatda başlayıb bazar ertəsi saat 05.00-dək qüvvədə olacaq.

Eyni zamanda, diqqətə çatdırılıb ki, iyul ayında normallaşma prosesi gündəlik yoluxma vəziyyətinə uyğun tənzimlənəcək.