Hindistan Rusiyanın "Kalaşnikov" avtomatlarının istehsal edilməsinə başlayacaq.

Unikal.org Rusiya KİV-ə istinadən xəbər verir ki, bu avtomatların "AK-203" modelinin istehsalı planlaşdırılır. Bunun üçün Hindistanın Korva şəhərində silah zavodu da qurulacaq.

Hazırda Rusiya tərəfi ilə razılıq alınması üçün danışıqlar aparılır. Nəticə müsbət olacaqsa, Hindistan bu avtomatların istehsalı və ixracı ilə məşğul ola biləcək. Artıq ilkin razılığın olduğu bildirilir. Lisenziya alınması prosesi davam etdirilir.