Böyük Britaniyada 2,4 milyona yaxın insan koronavirusa qarşı peyvənd olunub.

Unikal.org xəbər verir ki, bu barədə Baş nazir Boris Conson Birmingem şəhərində yeni açılan peyvənd mərkəzlərindən birini ziyarət edərkən deyib.

Qeyd edək ki, Britaniyada hazırda istifadə üçün təsdiqlənən üç peyvənd var. Almaniyanın "BioNTech" və ABŞ-ın "Pfizer" şirkətlərinin birgə hazırladığı peyvənd Britaniyada istifadə edilməyə başlanan ilk peyvənd olub. Daha sonra Oksford Universiteti və "AstraZeneca” dərman şirkəti tərəfindən hazırlanan peyvəndin də istifadəsi təsdiqlənib. Ötən həftə isə “Moderna” peyvəndi Britaniyada istifadəsinə icazə verilən üçüncü peyvənd olub.