Gənclər və İdman Nazirliyi sistemindən Vətən müharibəsində iştirak edənlərin sayı açıqlanıb.

Nazirliyin Mətbuat katibi Səmayə Məmmədovanın Unikal.org-a verdiyi məlumata görə, ümumilikdə 500 nəfər döyüşlərdə iştirak edib və onlardan 53-ü şəhidlik zirvəsinə ucalıb.

390 nəfər könüllü kimi qatılıbsa, 33-ü hərbi xidmətə çağırılıb. 67 nəfər yaralanıb, onlardan 51-nin müalicəsi müxtəlif tibb müəsissələlərində davam edir. 8 nəfər yaralandıqdan sonra cəbhəyə qayıdıb, bir o qədəri isə müalicə bitdikdən sonra evə buraxılıb.

4 idman jurnalisti döyüşlərdə iştirak edib. Ümumilikdə 1 nəfər itkin düşmüş hesab edilir.

Vətən müharibəsində Azərbaycan Dövlət Bədən Tərbiyəsi və İdman Akademiyasının məzunları, rayon (şəhər) Gənclər və İdman İdarələrinin, Gənclər Evlərinin, Olimpiya İdman Komplekslərinin əməkdaşları, müxtəlif idman növləri üzrə idmançılar və idman jurnalistləri iştirak ediblər.

Nazirlik sistemindəki şəhidlər arasında döyüşlərdə olduğu vaxt "Vətən yaxşıdır" mahnısını ifa edərək, məşhurlaşan gizir Xudayar Yusifzadənin də adı var. O, kikboksinq idman növü ilə məşğul olub.

Gənclər və İdman Nazirliyinin Vətən Müharibəsində şəhidlik zirvəsinə yüksəlmiş əməkdaşları və idmançılarının siyahısında Xudayar Yusifzadə də var. O, kikboksinq idman növü ilə məşğul olub.

Gənclər və İdman Nazirliyinin Vətən Müharibəsində şəhidlik zirvəsinə yüksəlmiş əməkdaşları və idmançılar

1. Baş leytenant Kazımov Vüsal Kamran 17.12.1990 Lənkəran UGİM direktoru
2. 13 yaşlı futbolçu, Naftalanın bombalanması zamanı həlak olub Qurbanov Şəhriyar Nadir 30.11.2007 Futbol
3. Əsgər Burcəliyev İlqar Vüqar 11.03.2001 Futbol
4. Əsgər Məmmədov Vacib Zabit 27.02.2001 Sərbəst güləş
5. MAHHXHQ, kiçik çavuş Məmmədov Xəyal Arif 13.02.1989 Sərbəst güləş
6. MAHHXHQ, çavuş Həsənov Həsən Rəhim 01.10.1990 Yunan-Roma güləşi
7. MAHHXHQ, çavuş Əliyev Yadigar Səfxan 04.06.1994 Yunan-Roma güləşi
8. Əsgər Mənəfli Əli Əflan 12.10.2001 Yunan-Roma güləşi
9. MAHHXHQ, əsgər Əliyev Şaməddin Qafqaz 08.10.1990 Ağırlıqqaldırma
10. Əsgər Qasımzadə Ümüd İlqar 13.04.2001 Ağırlıqqaldırma
11. MAHHXHQ, əsgər Qeybiyev Arif İsmayıl 06.06.1997 Atletika
12. Əsgər Hüseynov Cavid Natiq 03.04.2001 Taekvondo
13. Əsgər Cavadzadə Şaiq Faiq 28.11.1995 Taekvondo
14. MAHHXHQ, kiçik çavuş Musayev Elşən Hüseyn 21.06.1988 Taekvondo
15. MAHHXHQ, baş çavuş Mehdiyev Surxay Zülfi 07.12.1985 Taekvondo
16. Əsgər Həbibov Murad Asəf 15.05.2001 Taekvondo
17. Əsgər Xələfov Cəmil Fikrət 25.02.1997 Taekvondo
18. Əsgər Babayev Vüqar İlham 04.07.2001 İdman gimnastikası
19. Əsgər Qasımlı Muxtar Əli 23.02.1993 Bodibildinq
20. Baş leytenant Telmanlı Allahyar Elman 01.09.1992 Vinq-çun
21. Əsgər Cəlilov Xaləddin Asəf 13.04.2002 Kunq-fu
22. Mayor Əsgərov Rüfət Mürvət 29.08.1981 Kyokuşin karate
23. Baş gizir Allahyarov Şahin Hüseynbala 29.01.1993 Kyokuşin karate
24. Leytenant Atayev Nicat Habil 05.03.1994 Şaolin
25. Əsgər Şamilov Emil Rafiq 03.07.1996 Alpaqut, kyokuşin karate
26. MAHHXHQ, əsgər Məmmədov İlkin Abdulla 26.11.1990 Alpaqut
27. Leytenant Qurbanov Emil Vaqif 25.08.1980 Stronqman
28. Əsgər Mədətov Zaur Kamal 16.11.1999 Aba güləşi
29. Əsgər Nəbiyev Elmar Elman 22.03.2001 Kosiki karate do
30. MAHHXHQ, çavuş Eyniyev Tərlan Gölişad 22.01.1993 Kosiki karate do
31. MAHHXHQ, əsgər Nəsibov Nicat Nəriman 09.05.1986 Universal döyüş
32. MAHHXHQ, əsgər Qurbanov Cahangir Məmməd 23.09.1994 Universal döyüş
33. Əsgər Həsənov Vüsal Bayram 17.03.1986 Universal döyüş
34. Əsgər Şahbazov Kənan Natiq 23.07.2002 Uşu
35. Əsgər Cabbarov Əli Baba 08.01.2002 Uşu
36. Əsgər Həsənov Maarif Rahim 19.11.1999 Uşu
37. Əsgər Məmmədov Turxan Rizvan 09.08.1998 Uşu
38. Kapitan Pənahov Rövşən Mahmud 02.10.1989 Kyokuşinkaykan karate
39. Kiçik gizir Mustafayev Əkbər Natiq 02.07.2000 Kikboks
40. Gizir Yusifzadə Xudayar Müslüm 15.07.1998 Kikboks
41. Əsgər Əsədov Əli Akif 08.04.1993 Kikboks
42. Əsgər Məhərrəmov Fərid Asif 08.02.2002 MMA
43. Əsgər Əhmədov Bəhruz Səttar 27.06.1997 MMA
44. MAHHXHQ, əsgər Hüseynov Əkbər Bahadur 11.07.2001 MMA
45. Baş leytenant Hüseynli Əmrah Namik 12.10.1994 MMA
46. Əsgər İsmayılov Emin Tahir 21.05.2001 MMA
47. MAHHXHQ, əsgər Məcidzadə Saleh Nəriman 16.07.1994 MMA, universal döyüş
48. MAHHXHQ, baş çavuş Məmmədov Şahlar Şahin 01.11.1995 Qocyu-ryu, kempo
49. Gizir Vəliyev Elyar Arif 17.10.1991 Qocyu-ryu, kempo
50. MAHHXHQ Məmmədov Bəxtiyar Bayramşah 16.08.1996 Qocyu-ryu, kempo
51. Əsgər Məmmədov Vüsal Nəsib 15.03.1998 VKC karate
52. Əsgər Məmmədov Murad İlham 15.12.2000 Şotokan karate
53. MAHHXHQ, çavuş Muradov Ziyad Muradxan 03.02.1991 Şotokan karate
54. MAHHXHQ, kiçik çavuş Xurşudov Nazir Müxənnət 01.02.1985 Şotokan karate