"Neftçi” növbəti transferini reallaşdırıb.

Unikal.org klubun rəsmi saytına istinadən xəbər verir ki, türkiyəli mərkəz müdafiəçisi Mert Çeliklə 2 il müddətinə müqavilə bağlanıb.

20 yaşlı futbolçu icarə əsasında "ağ-qaralar"ın heyətində çıxış edəcək. O, 20 nömrəli formanı geyinəcək.

Qeyd edək ki, müqavilə ilə Türkiyənin "İstanbul Başakşehir” klubuna məxsus olan Mert Çelik Azərbaycanın U-21 milli komandasının üzvüdür.