Məşhur amerikalı müğənni Billi Ayliş uşaq vaxtı kanadalı müğənni Castin Biberin xəstəlik səviyyəsində pərəstişkarı olub. Buna görə, valideynləri Billini hətta müalicə etdirmək istəyiblər.

Unikal.org xarici KİV-ə istinadən xəbər verir ki, bunu ifaçının anası Meqqi Okonnel etiraf edib.

“Sadəcə, vurğulamaq istəyirəm ki, biz həqiqətən səni psixoloqun qəbuluna aparmaq istəyirdik… Sən Castin Biberə görə o qədər əziyyət çəkirdin ki. O qədər ağrı, acı var idi…”, - deyə, Okonnel xatırlayıb.

Ananın sözlərinə görə, Biberin “As Long As You Love Me” mahnısını dinləyən zaman Ayliş göz yaşlarını saxlaya bilmirdi.

Qeyd edək ki, hazırda hər iki müğənni dost münasibətindədir və hətta “Bad Guy” hiti üçün birlikdə musiqi yazıblar.