Ukrayna və Rusiya arasında hərbi münaqişə yarandığı təqdirdə, NATO məsələyə müdaxilə etməyəcək. 

Unikal.org xəbər verir ki, bu barədə ABŞ Silahlı Qüvvələrinin Avropadakı sabiq komandanı general Ben Hoces yerli KİV-lərə müsahibəsində bildirib.

O əlavə edib ki, Ukrayna NATO-ya üzv olmadığı üçün, təşkilat bu vəziyyətdə Kiyevi dəstəkləməyi planlaşdırmır.

Hoces, həmçinin qeyd edib ki, müdaxilə NATO-ya üzv olan bəzi ölkələrin Moskvaya təzyiq etmək istəmədikləri üçün baş verməyəcək.

Xatırladaq ki, bir neçə gün öncə Ukraynanın Hərbi-Dəniz Qüvvələrinin komandanı Aleksey Neijpapa ölkəsinin Rusiya ilə tammiqyaslı silahlı qarşıdurmaya hazırlaşdığını bildirmişdi.