İspaniyada ötən yeddi gün ərzində daha 39 nəfər koronavirusdan ölüb.

Unikal.org xəbər verir ki, bunu ölkənin Səhiyyə Nazirliyi açıqlayıb.

Bununla da krallıqda pandemiya qurbanlarının sayı 27 121-ə çatıb.

Son bir gündə 187 nəfərin COVID-19 testi müsbət nəticələnib. Bununla da ölkədə koronavirusa yoluxanların sayı 238 564-ə yüksəlib.

Qeyd edək ki, İspaniyada son 24 saat ərzində koronavirus infeksiyasının yaratdığı xəstəlikdən ölənlərin sayı daha açıqlanmır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 212 ölkə və bölgədə qeydə alınıb.