Koronavirusa yoluxan tibb bacısı özünü öldürüb.

Unikal.org xarici KİV-ə istinadən xəbər verir ki, koronavirusa yoluxan tibb bacısı xəstəliyi başqalarına yoluxduracağını düşünərək intihar edib.

İtaliyada koronaviruslu xəstələrin müalicə olunduğu xəstəxanada çalışan 34 yaşlı tibb bacısı Daniela Trezzi virusu başqalarına yoluxdurmamaq üçün canına qəsd edib.

İtaliyanın Lombardiya əyalətinin Monza şəhərindəki "San Gerardo Hospital"ında işləyən tibb bacısının bu hərəkəti hər kəsi şoka salıb. Onun ölümü ilə bağlı cinayət işi açılıb, araşdırma aparılır.

Qeyd edək ki, İtaliyada 74386 nəfərdə koronavirus aşkarlanıb. Onlardan 5760 nəfəri tibb işçiləridir. Bu günədək xəstəlikdən 7503 nəfər ölüb.