Xəbər verdiyimiz kimi, İsraildə Auşvitzin azad olunmasının 75 illiyinə həsr olunmuş Dünya Holokost Forumu 2020 (World Holocaust Forum 2020) tədbiri keçirilib.

Unikal.org xəbər verir ki, tədbirdə 40-dan çox yüksək vəzifəli rəsmilər arasında Rusiya Prezidenti Vladimir Putin, Fransa Prezidenti Emmanuel Makron, Britaniya şahzadəsi Çarlz, ABŞ-ın vitse-prezident Mayk Pens, eləcə də Almaniya, İtaliya, Gürcüstan və Avstriya prezidentləri iştirak ediblər.

Tədbirin sonunda Rusiya prezidenti Vladimir Putin, Almaniya Prezidenti Frank-Valter Ştanymayer, Fransa prezidenti Emmanuel Macron, Gürcüstanın prezidenti Salome Zurabişvili və digər ölkələrin rəhbər şəxsləri  Holokost qurbanlarının xatirəsinə gül çələngi qoyublar. 

Tədbirdə Azərbaycanı təmsil edən Milli Məclisin sədri Oqtay Əsədov Holokost qurbanlarının xatirəsinə gül çələngini abidə önünə sancıb. 

Qeyd edək ki, tədbirin keçirilməsində məqsəd Avropa Yəhudilərinin soyqırımını anmaqdır.