İstanbul hava limanında Hindistandan gələn bir sərnişinin çamadanında aparılan axtarışda cəmi 69,57 qram ağırlığında qanunsuz brilliant ələ keçirilib.

Unikal.org Türkiyə KİV-nə istinadən xəbər verir ki, 30 avqust tarixində Hindistanın Mumbay şəhərindən İstanbula gələn bir nəfərin hərəkətlərindən şübhələnən polislər onu təqib ediblər.

Saxlanılan şübhəli Y.D.-nın çamadanında 69,57 qram ağırılığında və 500 min TL (150 min manat) dəyərində brilliant tapılıb. Həmin şəxs məhkəmə tərəfindən sərbəst buraxılıb.