ABŞ prezidenti Donald Tramp, Suriyada tutduqları minlərlə İŞİD-çini Avropanın üzərinə salmaqla təhdid edib. 

Unikal.org xəbər verir ki, Tramp Ağ Evin qarşısında ayaq üstə verdiyi açıqlamada Avropa ölkələrini tənqid edib. 

ABŞ Prezidenti Donald Tramp, Suriyada ABŞ tərəfindən dəstəklənən PKK daxil olmaqla, Demokratik Suriya Qüvvələrinin əlində Avropadan gələn İŞİD-çilərin olduğunu deyib:

"Suriyada Avropa ölkələrindən gələn cihadçılar saxlanılıb. Avropa bu cihadçılara sahib çıxmalıdır. Onlar saxladığımız bu terrorçuları bizdən təhvil almalıdırlar. Görəcəyik, baxaq alacaqlarmı?  Əgər almazlarsa, yəqin ki, onları Avropaya sərbəst buraxmaq məcburiyyətində qalacağıq. "