Bu gün Milli Məclisin İqtisadi siyasət, sənaye və sahibkarlıq komitəsinin üzvü,  121 saylı Laçın seçki dairəsindən deputat seçilmiş Mahir Abbaszadə parlamentdə seçiciləri ilə növbəti görüş keçirib.

Unikal.org xəbər verir ki, görüşdə Mahir Abbaszadə ona ünvanlanan sualları cavablandırıb və seçiciləri narahat edən məsələləri dinləyib.
M.Abbaszadə  müraciət olunan məsələlərlə bağlı müzakirələr aparıb, bir sıra məsələlər yerindəcə həll edilib, müvafiq dövlət qurumlarına təqdim edilmək üçün onlardan ərizələr qəbul edilib və onlara tövsiyələr verilib.

Deputat bildirib ki, seçicilərdən qəbul edilmiş ərizələr müvafiq dövlət qurumlarına göndəriləcək və qeyd edilən məsələlərin, həmişə olduğu kimi, ən qısa müddətdə baxılmasına və müsbət həllinə çalışılacaq.

Həmçinin, görüşdə çıxış edən parlament üzvü, seçicilərə Prezident İlham Əliyevin yürütdüyü daxili və xarici siyasət haqqında, ölkəmizdə həyata keçirilmiş islahatlar və xüsusi ilə də vətandaşlarımızın sosial təminatının yaxşılaşdırılması sahəsində imzaladığı fərman və sərəncamlar barədə geniş məlumat verib.