“Titanik”in göyərtəsində ən varlı adam olan Con Ceykob Astorun taxdığı qızıl saat, məhv olmuş gəminin xatirə əşyalarının hərracında satışa çıxarılacaq.
"Unikal" xarici KİV-ə istinadən xəbər verir ki, Astor 1912-ci il aprelin 15-də "Titanik" aysberqə çırpılaraq batarkən ölən 1500-ə yaxın insandan biri idi. Onun hamilə arvadı Madlen sağ qalıb.
Saat İngiltərənin Wiltshire şəhərindəki "Henry Aldridge and Son" auksion evində satışa çıxarılan diqqətəlayiq əşyalar sırasındadır. Hərraca həmçinin qrupun liderinin gəminin batması zamanı ifa etdiyi skripka və "Titanik"in planlaşdırılmış səyahətlərini sənədləşdirən pulqabı olan çamadan da daxil ediləcək. Skripkanın özü 2013-cü ildə eyni hərrac evi vasitəsilə 1,7 milyon dollara satılıb.
"Henry Aldridge and Son" hərrac evinin idarəedici direktoru Endryu Aldricin sözlərinə görə, saatın 125-188 min dollar, çamadanın isə 125-150 min dollara satılacağı gözlənilir.
Astorun cəsədi aşkar edildikdən sonra bu əşyalar onun oğlu Vinsent Astora göndərilib və o, saatı tam şəkildə işlək vəziyyətə salıb. Hərrac evinin məlumatına görə, 1935-ci ildə Vinsent bu saatı Con Yakob Astorun məsul katibi olan IV Uilyam Dobbinin körpə oğluna vəftiz hədiyyəsi kimi verib.
Dobbin ailəsi bu saatı 1990-cı illərin sonuna qədər saxlayıb və o, hərraca çıxarılıb.
